هتدرسوا ايه في اعدادي

[وحدهم المديرون لديهم صلاحيات معاينة هذه الصورة]

انا لسه داخل اعدادى

ومش عارف هدرس ولا النظام هيبقى ازاى

طيب ياسيدى ما تزعلش نفسك خالص

لو مشيت مع كلامى كو هيبقى تمام

انت الاول تمحى كل اللى انت اخدو فى الثانويه والنظام اللى كان فى الثانوى

مش هينفع معانا فى الكليه

طيب هندرس ايه بقى

اقولك يا سيدى

فى الترم الاول عندك 6 مواد هتمتحن فى اربعه منهم ومادتين مكمله ( يعنى ايه مكمله )

مكمله دى يعنى هتمحتن فيها الترمين مع بعض فى امتحان واحد

طيب نكمل بقى

نبدا بالترم الاول

عندنا فيزيا

يلهوى عليك لازم تبدا بيها هو احنا ناقصين عقد

لا يا عم عقد ابه بس تعالى تعالى وانت تفهم

دى ماده حلوة سهله بس عاوزة مراجعه باستمرار

وتركيز وانت فى المحاضرة

ولو ركزت وانت فى المحاضرة مش هتزاكرها فى البيت خالص بس ركز فى المحاضرة والسكشن

طيب مين هيديكو فيزيا

هما 4 دكاترة

الدكتورة سهير نجم (محدش يخاف ) بس ركزو معاها

الدكتور احمد عبدالله (دا دكتور عسل اوووووووى ) وهيفهمكو فيزيا صح

الدكتور خالد العيسوى (راجل زى الفل )

الدكتورة فاطمه مطاوع (دكتورة من بتوع زمان بس شرحها جامد جدا ) وبتحب اللى بيفهم

طيب لازم اجيب كتاب الفيزيا دا

لازم هتجيبو مع انك مش هتفتحو كتير بس هتجيبو

طب ليه ااقولك ليه

عشان تاخد كتاب المعمل (وايه كتاب المعمل دا كمان )

لا متخافش دا كتاب فيه التجارب اللى هتدرسها فى الفيزيا

وانت عندك فى الترم الاول 7 تجارب بس

طيب المعيدين

بص هو المعيدين كلهم كويسين

بس اللى هتحس انك بتفهم منو احضرلوا

نيجى بقى لتانى ماده

الرياضيات

من اسهل المواد اللى هتشوفوها فى الترم الاول

قولولى ليه

هقولك انت هتدرس تفاضل وتكامل (حاجات بتاعت ثانوى ) بس مش اوى هيا هياها بس ع اوسع شويه

طيب ايه نظام الدكاترة بتوعها

اه انت جيت للدكاترة

بص بقى هيبقى الدكتور محمد اسماعيل تفاضل وهترتاح لشرحو اووى

اما الدكتور على الصباغ للتكامل بصو استحملوه من الاخر

طيب والكتاب ايه نظامو

هو مش لازم تشتريه اووى

طيب اللى هيشتريه هيعمل بيه ايه

كل اللى هيشتريه عشان الشيتات (وايه الشتات دى كمان )

دى يا سيدى ورقه فيها اسئله

طيب هولازم اجيبها

اومال ايه دى عليها درجات اعمال السنه

طيب كدا يبقى لازم اشترى الكتاب

لا مش لازم

طيب ليه

عشان انت ممكن تروح للدكتور وتطلب منو الشيتات بس ومش لازم الكتاب لو انت مش عاوز تشتريه

طيب والمعيدين

لا الرياضه معيدينها فى التمام وهترتاح معاهما ووى

دلوقتى هنكمل تعريفاتنا بالدكاترة والمعدين والمواد

نيجى للماده التالته

وهيا

الكيمياء
دى بقى ماده ممتعه جدا جدا وسهله وايزى خالص

بس مشكلتها الوحيده انها ترم اول بس

طيب ودى مشكله فى ايه ؟

لا مشكله ليه بقى عشان لقدر الله لقدر الله شلتها مش هتلاقى حاجه ترفعك درجاتك غير باقى المواد

المواد التانيه اللى هيا ترمين ممكن ترم يرفع ترم ودا يشيل دا

لكن مع الكيمياء ترم واحد بس

بس ما تقلقوش دى ماده سهله وهتحوبها حتى الدكاترة كمان كويسين جدا جدا

الدكاترة اللى هيدكو هما 4 دكاترة بس

1- دكتور محمود الكومى (راجل عسل اووى )

2- دكتور محمد ابو العلا (راجل دماغ )

3- دكتورة فدوى (هتحبو شرحها اوووى )

4- دكتورة منال (ممتازة جدا )

طيب والمعيدين (مفيش معيدين ) لان الماده دى مفيهاش سكاسن

بس فيها معمل وبتاخدو تجارب وهتمتجنو فيها اخر الترم والمعمل ممكن يرفعك فى الدرجات اووى وهيظبطك فاهتم بيه شويه

هتجيب الكتاب ؟

اه هتجيب الكتاب عشان كتاب المعمل

كدا نكون خصلنا من الكيمياء

نيجى بقى لماده اللغه

دى ماده مش عاوز اقول عليها عبيطه

بس هتستهيوفوها اووووى ومحدش فيكو يشيل همها لان اى واحد فى ابتدائى هيعدى فيها

ودى ليها محاضرة كل اسبوع ودكتور واحد بس

ولا سكاشن ولا يحزنون