عن قسم اتصالات - ماهى هندسة الاتصالات - هندسة الاتصالات

[وحدهم المديرون لديهم صلاحيات معاينة هذه الصورة]

بــــــــــسم الله الرحمن الرحـــــــــــــيم ...

السلام عليكم يا شباب اعدادى ...

تمام اول حاجة عاوز اعرف مين ناوى يخش اتصالات وكاتبها رقم واحد فى الرغبات ؟...

واحب اعرف الناس ... التنسيق بيتحط ع حسب عدد الطلبة اللى كاتبة اول قسم

السنة بتاعتنا

كل الناس قال نكتب مدنى لاسباب مختلفة ... ونصهم حول لاقسام تانية ع مدار السنة

فدة كان سبب ارتفاع تنسيق قسم مدنى ...

محدش يقلق بس انت لو جبت جيد جدا ... متقلقش من حكاية التنسيق خاااالص

وربنا يوفقكم جميعا ...

نبدا بقى مع بعض اعرفكم بقسمى ... اللى اتبهدلت قصدى اتعلمت فيه انى ماجلش مذاكرة وبردة باجلها هههههههههههههههههه

باذن الله هنعرف كل حاجة عن قسم اتصالات

اولا تعريف قسم اتصالات

قسم اتصالات... هو قسم التكنولوجيا الحديثة والانترنت وكل شىء خاص بالسنترالات والكمبيوتر وهو اول قسم فى التكنولوجيا والكمبيوتر حيث يشغل الكمبيوتر نسبة 80% تقريبا من شغل مهندس اتصالات
ايضا هو قسم الستالايت والحاجات اللى كل الناس بتقول ياااااااااااه دة شىء كبير جدا هو دة قسم اتصالات بصورة موجزة ..

ثانيا مجالات قسم اتصالات

1_ internet
2_satelite
3_ mobiles and high technologies

طبعا اللى واضحلكم انة قسم مش سهل هو فعلا مش سهل ومش صعب هو متوسط بس للى بيحب التكنولوجيا ويعرف يتأقلم مع سرعتها لان ف عالم الاتصالات كل يوم كل يوم اية قصدى كل ساعه كل ساعه اية كل ثانية فية جديد فى مجالاتة المتعددة

اقل مثال مش احنا بنشوف قنوات الدش كل شوية نلاقى قناه جديدة وتردد جديد هو دة اتصالات
طبعا ثورة الاتصالات كبيرة ورائعه
وهتزيد ف المستقبل ....................

كدة يعتبر كتعريف بمجالاتة

واحد هيقولى طب دة بيشتغل فين

هقولة ممكن تكون أحد دول

1_ program designer……microsoft & robots
2_ مهندس اتصالات ف السنترالات
3_ مهندس من الاخر ف اى حااااااااااجة تلاقية ماعدا طبعا انك تبنى وتأسس وكبارى
اى حاجة اى حااااااااااااااااااااجة يعنى ع سبيل المثال ممكن تشتغل ف شركات فودافون وام نبيل واتصالات والتحكم الالى و شركات ناسا الفضائية وكلوووووووو

نيجى ندخل القسم بقى ونشوف موادة ....

الشرح هيكون كالاتى
المادة
دكتورها
معيدينها
كلمتين فيها
درجاتها

ـــــــــــــــــــــــــــــــــــــــــــــــــــــــــــــــــــــــ

الرياضيات.... ترم اول وتانى...

دكتور على الصباغ ....

بشمهندس تامر وبشمهندسة هبة

الرياضة لذيذة جدااااااااااا وسهلة جدااااااااااا ومادة تقدير بس المشكلة ف دكتورها ومش عاوز اكتر لحسن اتقفش

حتى وانت ف الاجازة كدة نق نق فيها يعنى افتكرها هترتاااااااااح اوى

125 درجة

45 ميد ترم(اعمال سنة ممكن تتغير ع حسب مزاج الكبير )

80 فاينل

لو حد عاوز يعرف طبيعه المنهج بيتكون من اية ممكن اقولة

2_ اسس الهندسة الالكترونية ....electronics..... ترم اول وتانى...

دكتورة احسان

بشمهندسة علا

مادة جديدة متعرفوش اسمها بس تعرفوا كتييييييييييير عن محتواها.... محتواها عباره عن الذرة والتيار ومستويات الطاقة والدايود والترانزستور والبطارية وصنعها وكدة كل دة هتلاقى نفسك واخد منه 60%

والباقى جديد عنك مبنى ع القديم

ترمها الاول سهل جدا والدكتورة بتشرحه هيا والمعيدة زى الفل انما التانى .... عاوز مجهود وورق الكورسات هههههههههه

150درجة

90 فاينل

60 اعمال سنة

__________________________________________________ ________________

3_ دواير كهربية ..... circuits.... ترم اول وتانى...

دكتور عماد زيور ترم اول

دكتور طارق عليوة ترم تانى

دكتورة هناء ترم تانى بردة

بشمهندس رومانى ترم اول

بشمهندسة ريهام ترم تانى

مادة لئيمة هتوديكوا وتجيبكوا وهتحسوا انكم مش فاهمينها اصلا .... بس كلها انتم واخينها ماعدا قواعد جديدة هتسهل حل الدواير المعقدة وترم تانى هتاخدوا برنامج اسمة pspice هتحسوا بعدوا ان

الدكاترة بيلعبوا بيكم مش علشان هو صعب دة تافه لا علشان هو هيحل اى دايرة انت عاوزها من غير ما تمسك قلم بايدك غير علشان تنقل النواتج ههههههههههههههههههههههه

وطبعا هتاخدوا ال ac signal

التيار التردد وكدة جديدة وعاوزة تركيز عاااااالى

150 درجة

90 فاينل

60 اعمال سنة

بيقسموها الدكاترة مع بعض ف الترم التانى لكن الاول الدكتور بيظبطكوا درجات من عندة وتقديراتة حلوة اوى

__________________________________________________ _____________

4_ برمجة حاسبات ..... programming .... ترم اول فقط

دكتور مازن سليم..

نخبة من المعيدين ابرزهم بشمهندس شادى وبشمهندس مجدى ... وليها معمل بردة هتقعدوا ع الكمبيوترات اى خدعه هههههههههههههههههههههههه

مادة صعبة الصراحه بس لو حد فيكم عمل زيى ونفضلها واستسهلها

C++ &visual basic

ممكن تاخدوا سى بلس بلس بس ع حسب وقت الدكتور وممكن تاخدوا الاتنين

محدش يستسهلها ويقول هزاكرها بعدين زاكرها اول باول هتفرق معاك المادة دى فرقت بين اول وتالت الدفعه عندنا

وكتب شرحها مبعترة ع النت كتييييييييييير اوى وموجودين ع شبرا توداى كتير

150درجة

60 اعمال سنة من سكاشن وريبورتات وحضور محاضرة وشفوى

90 فاينل

______________________________________________ ________

5_ تطبيقات الحاسب .... computer applications ... ترم تانى بدل البرمجه

دكتور علاء الدين

ملهاش سكاشن ليها معمل ومعيدين كويسين

مادة تافهه جداااااااااااااااااااااااااااااااااااااااااااااااا ااااا

دى بتدرس فيها

Html

Css

Java script

يعنى تصميم مواااااااااااااقع حاجة لذيذة اوى وفيها شوية شرح عن الشبكات جميل جدا هيحببك ف قسم اتصالات

وهيعرفك اكتر عن الايميل

150 درجة

60 اعمال سنة

90 فاينل

__________________________________________________ _____________

6_ هندسة مدنية وميكانيكية ... ترم اول بس

دكتور اشرف لاشين ميكانيكية من قسم ميكاباور

دكتور اسامة النحاس مدنية من قسم عمارة

بشمهندسة نيفين مدنية

بشمهندس ابراهيم ميكانيكية

وممكن يتغيروا

هيدرسلكوا حاجات كدة ملهاش دعوة بالقسم بس مادة تقدير ومهمة فحت فحت فحت ... هترسموا فيها

ف جزء المدنية شقق بسيطة اوى وتوصيلات كهربا وكلة سهل وحضورك يساوى جيد جدا

مادة من خارج القسم بس سهلة ومهمة اوى

150 درجة

هيتوزعوا مع بعض

بس اهم شىء حضوركم فيها وتركيزكم ف المحاضرة بتاعت الميكانيكية

__________________________________________________ _______________

7_ التشريعات الهندسة ... ترم اول فقط

دكتور احمد رشاد او ع حسب مايجيبوا بس بنسبة كبيرة هو

ملهاش سكاشن

ههههههههههههههههههههههههههههه

هو دة تعليقى عنها

هى مادة من حقوق هتدرسوا فيها القانون المدنى والقانون مع سبق الاصراف والتردد

شوية حاجات كدة والامتحان هيجى من اسئلة هو بيقولها ف المحاضرة بس صدقونى اللى عاوز يتطلع عن القانون هياخد فكرة جامدة من الدكتور احمد بجد دكتور جامد

مادة من 50 درجة

ميد ترم واعمال سنة ممكن يخشوا ف 20 وفاينل الباقى

8_ اختبارات .... tests..... ترم تانى

مفيش دكاترة هيا عبارة عن معملمين واحد حاسبات وواحد الكترونيات

الحاسبات هتكملوا فية برمجه بتاعت السى بلس بلس بتاعت الترم الاول ف نفس السنة

الالكترونيات هتاخدوا فيها توصيل المقاومات ومكثفات وتشتروا افوميتر ومقاومات وتعيشوا بقى

مادة حلوة ع فكرة

معيدينها كتير ع حسب بيتغيروا

__________________________________________________ _____

9_ اللغه .... English.... ترم تانى

دكتورة مروة

ملهاش سكاشن

هتاخدوا فيها لغه شوية دروس ع شوية جرامر بس بجد هتسمعوا احسن شرح من دكتورة مروة بجد احسن دكتورة هتشوفوها ادعوا انها تدخلكوا

مادة من خمسين درجة

50 درجة

..................

وبكدة نكون خلصنا تعريف المواد هيبقى عندكم

6 مواد ترم اول و6 مواد ترم تانى

وربنا يوفقكم

.................................................. .................................................

كدة ابسط تعريف عن القسم وبتحتاجوا فية كرسات كتير زى جافا وبرمجه وحاجات تانية هتعرفوها ف وقتها ان شاء الله